اخواني .. قبل ما يكون الموضوع فيه استفادة .. هيا دعوة عشان تقف قدام نفسك
تشوف انت بتضحك على نفسك و لا انت صادق
الموضوع ببساطة انك هتقول سبحان الله ثلاث مرات
هااه .. قولتها ،، طب بص في ساعتك ..
ثانيتين .. اه هما ثانيتين ، عشان قلتها بسرعه
طب جرب المرة دي تمشي مع ثواني الساعة
1- سبحان الله 2- سبحان الله 3- سبحان الله
قلتها في تلات ثواني .. طب كويس .. كده تحس بيها اكتر
طيب .. اللي عنده دي اس ال .. هاخد منه دقيقة و اربعين ثانية
و اللي عنده دايل أب .. هناخد نفس الوقت و بالاضافة اربعة قروش ..قيمة شغل خط التليفون في دقيقتين
هنقول سبحان الله مائة مرة
ماحدش شايفك .. انت رقيب نفسك .. انتا اللي هاتنفع نفسك
امشي مع الثواني .. بس من غير ساعه .. نفس النمط ..
سبحان الله .. سبحان الله .. سبحان الله (100 مرة)
الشيطان خانقك صح ؟!
بيقولك انها صعبة .. بيقولك بلاش .. قاللي انا كمان كده .. بس انا مصمم اقولها
معقوله؟ هاتصبر على الطاعة لمدة دقيقتين إلا عشرين ثانية!!
طب هاتكسب ايه ؟؟!!
ما تسمعش كلامه .. ده عايزك تخسر الثواب اللي قاله الصادق الأمين عليه الصلاة و السلام
اقرأ الحديث ده عشان تتأكد:
عن سعد بن أبي وقاص: قال: كنا عند رسول الله صلى الله عليه وسلم فقال:
" أيعجز أحدكم أن يكسب كل يوم ألف حسنة ؟ "
فسأله سائل من جلسائه: كيف يكسب أحدنا ألف حسنة ؟
قال: " يسبح مائة تسبيحة ، فيكتب له ألف حسنة ، أو يحط عنه ألف خطيئة".
رواه مسلم
دقيقة و أربعين ثانية كسبتك ألف حسنة .. تخيل !!! .. أو شالت عنك ألف خطيئة.
أعوذ بالله من الشيطان الرجيم
طب ممكن نقولها في المواصلات .. ده احنا بناخد في المواصلات اكتر من كده ،، طب ممكن نقولها و احنا ماشيين في الشارع ،، طب ممكن نقولها و احنا بنستريح من شغلنا !!
طبعا ممكن
الغريب ان الموضوع ما خطرش في بالنا خاالص نعمله أو بالأصح نكرره لو كنا بنعمله
بعد قراءة هذا الموضوع .. قرر .. هل تريد هذا الثواب اليوم .. بل الآن !!
الموضوع مش هيكلفك كتير .. فقط دقيقة و اربعين ثانية .. "و أربعة قروش للدايل أب"
و السلام عليكم و رحمة الله
.
.
الخميس, 23 صفر, 1427
أضف تعليقا
أضف تعليقا
<<الصفحة الرئيسية
.
.